Þankagangur Maju

Ný síða!

Thu, 20 Jul 2006 22:58:38 GMT

Ég er komin með aðra síðu! Vonandi verð ég duglegri þar! ;) Sjáumst þar!! :D

http://www.123.is/maja

Til hamingju Ísland!

Sun, 18 Jun 2006 19:45:39 GMT

Það er nú aldeilis dugnaðurinn í íslensku landsliðunum þessa dagana. Fyrst voru Svíarnir sigraðir í handboltanum og í dag unnu stelpurnar svo Portúgali í fótboltanum! Til hamingju stelpur mínar. Ég fylgdist að sjálfsögðu með í gegnum netið og sendi strauma yfir hafið. ;) Spennan var að auki svo mikil í Svíaleiknum að eftir leikinn rann tár niður vangann...svo mikið var stoltið! :D Glæsilegur sigur á sjálfstæðisdaginn sjálfan!

Annars er lítið að frétta héðan. Tek því bara rólega þessa dagana. Búin að vera bitin nokkrum sinnum, en moskítóflugurnar eru komnar á kreik og ég virðist hafa eitthvað sem þær vilja! Hef líka verið nokkuð dugleg að fylgjast með HM. Fékk svo þau skilaboð frá Englandi að ég ætti að vera búin að lesa nokkrar bækur áður en önnin hefst í haust. Búin að panta þær á netinu og er bara að bíða eftir þeim þessa dagana. Ég verð nú bara að viðurkenna að ég er orðin nokkuð spennt yfir því að fá að fletta í gegnum þær. :) Það er svona þegar maður finnur eitthvað sem maður hefur áhuga á. :)

Svo fékk ég símtal fyrir nokkrum dögum alveg upp úr þurru frá AeroMexico þar sem þeir voru að bjóða mér framlengingu á frímiðunum sem við fjölskyldan fengum í mars á seinasta ári! Ég hafði ætlað mér að nota þá í mars s.l. og bjóða Þórunni Helgu, Ollu og Tinnu með til Isla Mujeres, nema hvað að AeroMexico hafði aldrei samband tilbaka þegar ég bað um nafnabreytingu á miðunum. Þannig að það varð því miður ekkert af því. :| En núna virðast þeir ætla að vera ansi hjálpsamir! :) Ég gæti því verið á leiðinni til Mexíkó á næstu vikum! Svo langar mig til að kíkja til Kaliforníu áður en ég færi mig frá Norður-Ameríku til Evrópu í haust, en ég veit ekki hvort af því verði. Ég var líka boðin í brúðkaup í Arizona um næstu helgi en það er ansi takmarkað sætaframboðið þangað (fimm tíma flug frá Boston) og því er það ekki komið á hreint hvort ég fari, en þetta er stelpa úr Harvard fótboltaliðinu sem er að fara að giftast stráknum sem var quarterback í ruðningsliðinu í skólanum. :D híhíhí... Hann er reyndar núna að gera það alveg ágætt í NFL deildinni fyrir St. Louis Rams. Ótrúlegt hvað það eru miklir peningar í atvinnumannadeildunum hérna úti.

En já, sem sagt allt gott að frétta. Tek bara einn dag fyrir í einu og nýt lífsins. Er búin að vera dugleg að borða ávaxtasalöt með kotasælu og möndlum sem er alveg yndislegt! :D Mæli svo sannarlega með því. Bið að heilsa heim og vonandi sé ég ykkur sem flest seinna í sumar.

Næsta ár

Tue, 13 Jun 2006 20:16:53 GMT

Ég veit loksins hvert mitt næsta skref í lífinu er. Ég fékk fréttina 15 mínútum áður en mér var afhent útskriftarplaggið mitt í Adams húsi seinasta fimmtudag að ég hefði komist inn í Oxford í mastersnám! Draumurinn minn rættist og áhættan (um atvinnuleysi!) borgaði sig! :D Ég mun því flytja til Englands ca. um miðjan september. Ég hef lítinn tíma haft til þess að hugsa um þetta þar sem að fjölskyldan mín var hérna úti hjá mér þar til í gærkvöldi og því veit ég mjög lítið um smáatriðin. Ætla mér að vera hérna úti í USA eitthvað áfram og njóta lífsins; sleikja sólina, hvíla mig, lesa bækur sem mig langar til að lesa, pæla í lífinu og vinna fyrir dagpeningum. :D Veit ekki hvenær ég kíki til Íslands. Hef ekki haft tíma til að pæla í því. Það kemur bara í ljós. :lol: Vil þakka öllum fyrir kveðjurnar og bið vel að heilsa! Hafið þið það gott, njótið lífsins og farið á eftir draumunum ykkar!

Cap and gown

Wed, 07 Jun 2006 02:27:38 GMT

Fyrsti dagurinn af þremur. :D 6.- 8. júní.

Próf!

Sat, 20 May 2006 11:38:38 GMT

Er að fara í seinasta prófið mitt í Harvard eftir 90 mínútur!! Aldrei aftur! Lokapunkturinn á Bachelor of Arts gráðunni minni. 8| Ja hérna. Hlakka mikið til að leggja mig á eftir! Sofa vært. Án prófhugsana. :) Ætla nú aldeilis að njóta þess að taka prófið á eftir. Vera í mómentinu og vera mindful. :D En ég á ekkert ofsalega erfitt með að njóta þess að taka þetta próf því þetta er einn af uppáhalds áföngunum sem ég hef tekið í skólanum. Kallast Psychology of Leadership. Hinn hét Positive Psychology. :) Gaman að enda skólann á prófi í áfanga sem gaman er að stúdera fyrir. Jæja, ætla að skella mér út og kaupa mér kaffi og appelsínusafa áður en ég rifja smá upp fyrir prófið. Veit ekki hvort ég mun velja. Helst myndi ég vilja kaffínsafa. Bless í bili!

Uppfærsla: Er að fara að hlaupa í prófið. :D Langaði bara til þess að segja að mér líður vel. Kannski eru það magafiðrildin sem hafa þessi áhrif. Smá pínu stress í gangi. Ekki útaf prófinu. Bara það að ég er ekki enn farin af stað! ;) :D Jæja, ég er þotin! Æðislegur dagur!

Vorið

Thu, 18 May 2006 15:46:45 GMT

Vorið er komið aftur eftir smá frí. Verst bara að ég sé varla fallegu blómin og laufblöðin vegna vorofnæmis! Margir gætu haldið að ég væri nú þegar farin að gráta skólalokin, en það er ekki svo...ekki enn að minnsta kosti. :)

Í dag er seinasti langi MIT dagurinn minn. Er að fara að hitta einn nemandann minn eftir smástund og eftir það fer ég í seinasta Negotiation tímann, ég enda svo kvöldið á tvöföldum tíma með öðrum nemanda mínum. Kennslan alveg að verða búin líka, en þó verð ég eitthvað að hjálpa þeim fram eftir sumri í gegnum email og Skype.

Ég hef verið að velta því fyrir mér hvort að ég sé komin inn í nýtt tímabil í lífinu. Ástæðan er sú að ég er að henda heilu kaffibollunum (þeir eru stórir í USA) í ruslið því ég hef ekki verið að klára þá!! Það var nú alveg óþekkt bara fyrir einum mánuði eða svo, en núna fæ ég mig ekki einu sinni til að klára einn bolla á heilu kvöldi. Til að gera söguna enn merkilegri þá hef ég verið að kaupa mér appelsínusafa núna nokkrum sinnum í stað kaffisins!! 8| Það er að sjálfsögðu jákvætt, en að sama skapi undarlegt. Kannski að mig vanti þetta C vítamín. Heilsan ekki alveg í góðu lagi þessa dagana. Ofnæmi, magavírus/ælupest, og frunsa í nösinni (reyniði að toppa það!!). Svona fer stressið með mann. Ég er þó að de-stressast þessa dagana. Finn það. Ligg aftarlega í hægindarstólnum mínum í þessum skrifuðu orðum. Notaleg tilfinning, fyrir utan kláðann í augunum. :) Fyrir utan kláða, þá fer sólin vel með mann. Er farin að hlakka til að hitta vinina á Íslandi, hvenær svo sem það verður. Kannski það verði 12. júní. Kannski ekki. Kannski ekki fyrr en í lok sumar. Hver veit. Ekki ég að minnsta kosti! :) Jæja, komin tími á MIT. Bið að heilsa í bili.

Maí mánuður

Wed, 17 May 2006 05:37:58 GMT

Ég hef áttað mig á því að því lengur sem maður bíður með að skrifa inn færslu, því erfiðara verður það--því af svo mörgu er að segja!

Er að læra undir Accounting próf sem ég fer í á morgun. Er bara nokkuð róleg yfir þessu satt best að segja, en ástæðan er sú að ég er búin að fá hrein A í báðum prófunum á þessari önn! :D Ekki nóg með það, heldur hef ég EINUNGIS fengið A í þeim prófum sem ég hef tekið á þessari önn í mínum áföngum. Þetta væri nú ekki frásögum færandi nema hvað að ég hef einungis einu sinni áður fengið A á prófi, en það var haustið 2002! Takk fyrir það. Ég er sem sagt aldeilis að enda með stæl. Ekki nema tæplega 22 dagar í útskrift! Ja hérna mig. Ég er að fullorðnast. Komin á aldur. "Real world" er að taka við, hvort sem það verður meiri skóli eða vinna. Fer í mitt seinasta próf laugardaginn 20. maí og eftir það tekur við stanslaus gleði með vinum og kunningjum fram að útskrift. Já og svo smá pakkningar (öll mín búslóð :|)!

Ingibjörg frænka er á leiðinni heim til Íslands, fór í kvöld. :| Var farin að hlakka til að geta eytt meiri tíma með henni í sumar, en hún ákvað að taka ekki sumarskólann í þetta skiptið. Sé þig nú vonandi í sumar. :) Guðbjörg Birna vinkona stoppaði svo hjá mér í tvær nætur og fór heim í gærkvöldi. Ég get nú ekki sagt að ég hafi verið mjög skemmtilegur gestgjafi! Var nefnilega að vinna í graduate school application sem ég sendi loksins inn í gær!!! Þvílíkur léttir! Náði þó að brosa aðeins fyrir Guðbjörgu eftir að ég sendi umsóknina inn. :) Við borðunum vikuskammt af mati á tveimur dögum (þar af 5 daga skammt á Cheesecake Factory). 8| Geri aðrir betur. Hef ekki áður borðað á Cheesecake með manneskju sem metur matinn eins mikið og ég sjálf! 85% af samtalinu okkar yfir matnum var um matinn sjálfan. Það fannst mér skemmtilegt. :) P.S. Guðbjörg, þú gleymdir gallabuxunum þínum hjá mér (en ég hef ekki enn rekist á bronsskóinn)!!

Já eins og ég talaði um í seinustu færslu þá mun ég ekki taka starfinu sem mér var boðið. Fór reyndar út að borða með þeim um daginn og tveimur öðrum Harvard nemendum sem þeir réðu. Mér leist mjög vel á allt fólkið og á vinnuna sjálfa, en ég finn þó að ég get ekki sagt já án þess að vita með skólann. Deadline-ið er núna á föstudaginn og ég ætla frekar að bíða og sjá hvað kemur út úr skólaumsókninni. Ætla að senda allar mínar jákvæðu hugsanir til skólans! :D Fæ þó ekki að vita hvort ég komist inn fyrr en í júní einhvern tímann (í seinasta lagi 30. júní). Ætla bara að njóta mín þangað til (já og á eftir!) ;) Af nógu er að taka í lífinu. Læt kannski verða af Kaliforníubíltúrsdraumnum í júlí. :D Sjáum hvað gerist. Annars langar mig líka til þess að læra betur golf, drekka ávaxtasmoothie og lesa nokkrar bækur. Langar líka til að skella mér á einhverja strönd og nota nýju sólgleraugun mín. 8) Mig langar til að lifa og njóta. En hvað þetta er skrítið allt saman, þó ekki endilega neikvætt--hvað allt er óráðið. Fyrsta tímabilið í lífinu sem er svona óljóst. Er spennt fyrir því að búa á mörgum stöðum í heiminum; austurströnd USA (Boston), vesturströnd USA (Kalifornía) og jafnvel England. Þetta kemur allt saman í ljós. :) Það er nú bara svolítið spennandi að vita ekki hvað verður. Veit að ég verð að flytja úr herberginu mínu 9. júní og að fjölskyldan fer aftur til Íslands 12. júní. Það er allt og sumt.

Job!

Tue, 02 May 2006 18:42:33 GMT

Fyrsta atvinnutilboðið í höfn! :D Full-time í downtown Boston sem Spend Management Consultant. Allt að gerast!

Uppfærsla: Ég mun væntanlega ekki taka starfinu því ég ætla að fara á eftir draumnum mínum fyrst! :D Ég þarf því miður að gefa fyrirtækinu svar áður en ég fæ að vita með skólann í Englandi, þannig að ég þarf líklega að taka áhættuna á því að vera atvinnulaus í júní! En stórir sigrar gerast ekki án áhættu! ;) Mér líður vel með þá ákvörðun. Þetta er búinn að vera erfiður mánuður upp á umsóknina að gera, ferðalög, próf og fleira. Hef sjaldan verið jafn andlega og líkamlega þreytt, en þó líður mér vel því ég veit að þetta er það sem ég á að gera. Þannig að það hefur ekkert breyst upp á sumarið að gera hjá mér--ennþá allt "up in the air." En það er líka allt í lagi svona annað veifið. ;) Mun þá bara fókusera á að njóta lífsins í sumar. Lifa.

30. apríl 2006

Mon, 01 May 2006 03:18:13 GMT

Þá eru ekki nema 39 dagar til útskriftar. Ja hérna mig. Ég á aldeilis eftir að sakna þessa staðar. Hér hef ég vaxið og þroskast. Ótrúlegt hvað þessi staður á mikið í mér núna.

Englandsferðin var frábær! Gaman að hitta líka bróður minn og fjölskylduna hans. Litla frænka mín er orðin fjögurra og hálfs árs gömul og er með svakalega fallegan breskan hreim! Henni fannst Boston hreimurinn minn frekar ljótur eins og mér sjálfri! :haha: Sagði mér að ég þyrfti ekki að "tala Boston núna". Bara segja peipahh og votahh í staðinn fyrir papöööööör og votööör... :lol: Litla rúsínan. Við sváfum saman í svefnsófanum allar næturnar nema eina. Ég fékk að sofa með prinsessusængina hennar. Mamma hennar sagði mér reyndar að það væri nú bara af því að hin væri mýkri! ;) Svo sofnuðum við haldandi í hendur. Algjör rúsípús! :D Skólinn kom mér skemmtilega á óvart. Svakalega sögulegar byggingar, sem kom mér nett á óvart þrátt fyrir að það ætti nú ekki að gera það. Ég tók þó eftir því að ég er orðin alveg SVAKALEGA bandarísk. Kom til London fyrir tveimur árum og leið bara ágætlega. En þegar ég fór núna, þá fannst mér geisla af mér hversu amerísk ég væri orðin. Ekki að það sé endilega slæmt, því hér líður mér óskaplega vel, en þetta var skrítin tilfinning. Þurfti smá tíma að mata það. Skrítið að finnast ekki evrópsk lengur. :| Mun sækja um skólann eftir tvær vikur, það er stór prósess þannig að ég held áfram að vera súper-busy þessa önnina. Ég fæ þó ekki að vita hvort ég komist inn (eingungis 32 nemendum hleypt inn á ári) fyrr en í lok júní!! :| Ég fer svo í seinasta prófið mitt 20. maí og þá byrjar mitt Senior Spring! :D Ætla að skella mér í vínsmökkun, rússíbanagarð, casino, beer olympics, moonlight cruise og margt, margt fleira! Svo er bara útskriftin sjálf 8. júní! :D Er búin að panta cap and gown. Þetta verður óskaplega mikil upplifun.

Svo er bara að sjá hvað ég geri í sumar. Hef ekki græna krónu um hvað ég mun gera. Sérstaklega erfitt þar sem að ég veit ekki hvað ég mun gera í haust. Var að pæla hvort ég ætti bara að sæka um á einhverju hóteli í Maldives eyjum!! Það væri nú ekki verra. Ef þið hafið einhverja uppástungu, endilega látið mig vita. :D

Fór á útitónleika í kvöld með Ben Folds. www.yardfest.org En þeir voru haldnir í Harvard Yard. Garðinum var lokað og einungis undergraduate nemendum var hleypt inn, en það komu þúsundir nemenda þangað. Ótrúlega skemmtilegt þar sem öllum matsölum var lokað og í staðinn var boðið upp á grill í garðinum. Það var nú bara svo að þegar tónleikarnir stóðu sem hæst leit ég í kringum mig og bara táraðist! Tilfinningarnar helltust alveg yfir mig! Ég er svo óskaplega þakklát fyrir það sem ég hef fengið að upplifa þessi fjögur ár mín hér úti. Ólýsanlegur tími. Yndislegur.

Jæja, ég er alveg þurrausin núna (Helga systir kenndi mér þetta orð) og ætla að halda áfram að nördast á bókasafninu. Á aldeilis eftir að sakna þessa bókasafns!! Já tilfiningarnar halda áfram... :(:lol:

Til hamingju með afmælið pabbi!

Oh Canada...

Sat, 15 Apr 2006 22:55:26 GMT

Stödd á flugvellinum í Ottawa, Kanada! Já, það er aldeilis flakkið á manni. Reyndar var það ekki ætlunin að kíkja til Kanada, en ég er á leiðinni til London og þetta var langbesti díllinn. Flýg svo í gegnum St. John, Kanada á leiðinni heim, þaðan til Montreal og svo loksins til Boston!! Ég hef þó reynt að nýta tímann vel í þessu 6 tíma layover-i. Sit á veitingahúsi hérna með Coronu Extra í annarri og Chicken Quesadilla í hinni og líður bara alveg hreint ágætlega. :) Keypti aðgang að netinu svo að tíminn líði hraðar (og svo þarf ég helst aðeins að læra.) ;) Ég sé þó til með lærdóminn þar sem ég er svo spennt fyrir bókunum sem ég keypti hér á flugvellinum áðan. Báðar um það sem mig langar til að stúdera í framtíðinni, en það er einmitt tilgangur ferðarinnar. Ætla að kíkja á skóla í Englandi, og stoppa í nokkra daga hjá bróður mínum og fjölskyldu hans. Hlakka mikið til að sjá þau aftur. Þau ætla að skreppa með mér í smá roadtrip og tékka á skólanum á morgun eftir að ég lendi (næturflug) og svo mun ég hitta tvo frá skólanum á fimmtudaginn. Þannig að ég býst við mjög góðri viku. :D Bið að heilsa í bili.

Framtíðardraumur

Sun, 09 Apr 2006 18:49:10 GMT

Ég er búin að vera heldur ódugleg við að skrifa inn á síðuna mína þetta árið eins og Jólastrumpurinn benti viturlega á. En það er líka allt í lagi svona inn á milli. Stundum dett ég í bloggstuðið, sérstaklega ef mér liggur mikið á hjarta. :) En önninn mín er busy eins og áður, nema hvað að ég hef aldrei staðið mig svona vel í áföngunum mínum áður! :D MIT kennslan gengur vel. Svolítið erfitt að koma sér til MIT svona oft, en ég er þar fjórum sinnum í viku, en á móti hefur þetta gefið mér tækifæri á að fá tilfinningu fyrir MIT og hvernig kennslan er þar (ég er nefnilega í tveimur öðrum áföngum þar).

En þessa dagana er ég þó mest að hugsa um drauminn minn og er að reyna að láta hann rætast. Það þýðir ekki bara að láta sig dreyma, maður verður að taka stökkið sjálfur og reyna. :) Ég er þessa dagana í stökkvinu sjálfu. :) Já af hverju ekki segi ég nú bara. Ég ætla að hugsa jákvætt og trúa því að mér takist að ná í drauminn minn. Það er mikilvægt. Er að lesa bók þessa dagana sem er einmitt að tala um mikilvægi þess að "desire" og "belief" fari saman. Ofsalega góð bók. Ég brosi þegar ég hugsa um drauminn minn. Hluti af áttavitanum mínum. :) Vona að allir hafi það gott og mæli með því að fólk fari á eftir draumunum sínum. Ef maður fær neitun þá fer það bara í reynslubankann, maður getur allaveganna losað sig við efann. En það er mikilvægt að trúa að draumurinn geti ræst, trúa því innst inni. :D Gangi ykkur vel!

P.S. Það að eltast við draumana sína þýðir ekki endilega að því fylgi ekkert stress...!! Úff... 8| ;)

Ó já ó já

Wed, 15 Mar 2006 05:28:20 GMT

Búin að dunda mér aðeins við að skoða myndir frá vinum og kunningjum á Íslandi--það fékk mig til að brosa. Það fékk mig líka til að hugsa til þeirrar staðhæfingar að maður eigi ekki að taka lífið of alvarlega. Ég er svo sannarlega á þeiri skoðun í vissri merkingu, en ég er þó líka á þeirri skoðun að mér finnst við ekki taka lífið nægilega alvarlega!...en þá í þeirri merkingu að við erum ekki að fá út úr lífinu eins mikið og við getum. Við erum ekki að "eyða" okkar tíma í það sem bensín fyrir sálina (sem er misjafnt fyrir hvern og einn). Ég lenti í því um daginn að verða mjög órótt að innan. Ég vissi ekki alveg af hverju og var nokkuð pirruð yfir því, en svo áttaði ég mig á því að það var af því að mér fannst ég vera að taka lífinu sem of sjálfsögðum hluti þessa dagana. Ég fór í gegnum dagana án þess að hafa einhverja áskorun. Ég skilaði mínum verkefnum, las mína texta, en þó án þess að "finna fyrir" þeim. Og ég áttaði mig loksins á því að ég var pirruð á sjálfri mér fyrir að leyfa mér að komast upp með að njóta ekki hvers andartaks, í stað þess að njóta þess að vera þar sem ég er í lífinu. Framhaldiðið mun koma. Ég var ekki í núinu. Ég var þó heldur ekki í framtíðinni. Ég bara var.

Ég er smátt og smátt að komast að því hvað ég vil gera í lífinu og það fær mig til að brosa. Minn purpose. Það er eins og að lífið sé smátt og smátt að fletta skýjunum ofan af spurningunni um hvar og hver ég verð í framtíðinni. Merkilegt hvernig það gengur fyrir sig. Lífið þ.e.a.s. Það að við getum lært af okkar reynslum og haldið áfram að vaxa, án neins endamarks. Við ráðum því sjálf, en það er reyndar eitt af því sem ég stundum hræðist. Það er svo margt sem við getum gert í lífinu og á svo marga vegu, að stundum týnist maður í smá stund...en svo finnur maður áttavitann sinn. Ég fann minn áttavita aftur. Kannski týni ég honum enn einu sinni, en þá vona ég að ég finni annan betri í staðinn. Ég er þó ekki búin að ákveða mína stefnu ennþá, en mér líður vel með áttavitann í bakhöndinni. ;) :D

Æ já hvað lífið getur verið undursamlega erfitt. Án erfiðleika á maður erfitt með að finna sjálfan sig, en það vissi ég ekki fyrir svo löngu síðan. En þegar maður kemst í gegn, þá er lífið gott. :) Mig langar til að heyra frá ykkur ef þið áttuð góðan dag, því það smitar út frá sér. Ég vil t.d. benda á Jólastrumpinn minn hér undir tengli til vinstri. Skrifin hennar fá mig til að brosa. Pepsi Maxíið hennar lætur mig brosa. Mig langar til að brosa oft og mikið, og mig langar til að sjá ykkur brosa! :D

Uppfaersla

Fri, 17 Feb 2006 16:01:15 GMT

Thad er kannski kominn timi til thess ad lata vita af ser. Eg er sem sagt komin heim fra Puerto Rico hafi einhverjir verid ad velta thvi fyrir ser! ;) En thessi onn er ein su allra uppteknasta sem eg hef haft og thvi hef eg litid verid i bloggsambandi. Eg er ad taka tvo MIT Sloan Business School afanga, Accounting og Power and Negotiation, two salfraediafanga i Harvard og svo er eg ad kenna i MIT i tima sem kallast Studies in the Grammar of a Less Familiar Language, en thetta eru doktorsnemendur ad studera islensku. Eg kallast thar language consultant eda instructor! Thessi kennsla er ansi timafrek, 12 klukkutimar a viku, en a moti kemur ad eg hef mjog gaman af ollum afongunum sem eg er i thessa onnina. Thetta er sem sagt ekki thessi typiska senior spring onn thar sem madur a ad reyna ad taka sem faesta afanga, heldur aetla eg ad taka thetta med trompi! ;)

Eg a enn ansi erfitt med ad trua thvi ad thetta se ad verda buid hja mer herna uti i skolanum. Bara rett rumir thrir manudir eftir. Haustid er enn oradid, en eg er med eitt opid sem gaeti verid mjog gott fyrir mig. Thad sem eg veit tho er ad eg hef enn mikinn ahuga a ad bua her uti. Thott thad se alltaf gott ad koma heim i fri tha hef eg ekki enn fundid eitthvad sem togar mig af krafti heim til frambudar. Thad kannski kemur. En thangad til aetla eg ad reyna ad njota thess ad geta buid herna uti, thar sem mer lidur vel. :)

Svo er eg markmannsthjalfari hja lidi herna uti hja 10-11 ara stelpum. Oskaplega hefur thad verid gefandi, mjog gaman. :) Er med tvo markmenn sem eru duglegir ad spyrja spurninga og eru godir nemendur (laera hratt og vel). ;) Thannig ad eg hef ekki alveg lokad a fotboltann enntha og er ad leika mer ad sparka i bolta med Harvard stelpunum. Margt opid i sambandi vid fotboltann thannig ad eg aetla bara ad taka a thvi thegar thar ad kemur. :)

Lifid er sem sagt gott her i Cambridge. Veturinn hefur verid godur, ekkert alltof kaldur thetta arid og enn betri timar framundan (sol og hiti)!

Eg vona ad allir hafi thad gott. Eg veit ekki hversu dugleg eg get verid i blogginu utaf timaleysi, en thad er aldrei ad vita ad madur hendi inn eins og einni og einni faerslu. En thid vitid allaveganna af thvi ad andinn er godur hedan fra Cambridge. ;) Bless i bili kaeru vinir. :D

Loksins!

Wed, 25 Jan 2006 23:02:49 GMT

Prófin LOKSINS búin og ég er á leiðinni til Puerto Rico eftir 10 mínútur. Vildi bara kasta kveðju hérna inn til þess að láta fólk vita að ég er enn á lífi - þrátt fyrir próftörnina! Ég verð vonandi duglegri að skrifa þegar ég kem heim frá Puerto Rico, en þá byrjar næsta önn.

Ég mun kannski skrifa eitthvað hérna inn á síðuna mína frá ströndinni í gegnum nýja símann minn, Blackberry 7105t!! ;) Ó tækniundur...

Primal Scream

Sat, 14 Jan 2006 05:46:30 GMT

Lítið um skemmtilegar fréttir nema það að ég var að ljúka því að hlaupa ALLSNAKIN (nema sokkar og skór) hringinn í kringum Harvard Yard!! Ég var nú ekki einsömul, því þetta er gömul hefð sem felst í því að á miðnætti fyrir fyrsta lokapróf stillir fólk sér (áhorfendur) hringinn í kringum Harvard Yard og þeir sem vilja hlaupa naktir einn (eða fleiri) hring án klæða!! Nú er bara að vona að mynd af manni birtist ekki á forsíðu skólablaðsins í fyrramálið (alltof mörg "flösh" sem lentu á manni)!!!! 8| Og til að toppa allt saman, þá hljóp ég þetta edrú því ég er að skrifa ritgerð núna!! 8) Ja hérna mig...hvað gerir maður ekki fyrir hefðina!! Ég kveð í bili. Það verður lítið um skrif hjá mér þennan mánuðinn.

Sumir furða sig á þessari ákvörðun minni, en hér er ágætis grein frá samnemanda mínum í Harvard um þennan viðburð.

"There is a great spirit of camaraderie that comes from group nudity—it is not sexual, but utterly human. In those moments, as male and female genitalia are not only displayed, but frequently brushed up against in the frenzy of the crowd, we are not disgusted—nay, we are invigorated. We slap five to the clothed onlookers, proud to be participating in this great communal activity, where we are the focal point, not as individuals, but as a blur of heroes." ~Harvard nemandi.